A Asociación da Prensa de Santiago de Compostela (APSC), con máis de 6 décadas de historia, segundo os seus estatutos “é unha entidade profesional que agrupa ós xornalistas que desenvolven o seu labor profesional no ámbito de Santiago de Compostela e a súa comarca”.

A APSC está integrada na Federación de Asociacións da Prensa de España (FAPE), colectivo de 42 asociacións de xornalistas en todo o Estado e que agrupan a 15.000 profesionaisl. A APSC é tamén a representante de Galicia no Consello Xeral da FAPE. Forman parte tamén da FAPE as asociacións da Coruña e Lugo.